Тардели посочи кои двајца играчи ќе бидат клучни за Тудор во Јувентус

Јувентус под водство на Игор Тудор ќе се обиде да се врати на победнички патеки почнувајќи од утрешниот меч со Џенова, односно до крајот на сезонава да ја оствари барем минималната цел, да обезбеди пласман во Лигата на шампионите.

Прва задача на Тудор ќе биде да ја врати екипата по двата болни и тешки порази од Аталанта и Фиорентина во Серија А, а според легендата на клубот Марко Тардели кај Хрватот двајца играчи ќе бидат во прв план и тоа се Душан Влаховиќ и Кенан Јилдиз.

-Тој е решен да ја искористи можноста да остане во Јувентус, обложувајќи се на Влаховиќ и Јилдиз, двајца играчи напуштени од Мота, -порачува Тардели кој смета дека клубот морал порано да реагира.

-Предолго беа слепи и незаинтересирани за она што се случува околу нив. Беше јасно дека вулканот требаше да еруптира. Зошто не се обидоа да го спречат? Се прашувам зошто Џунтоли, поранешен фудбалер кој добро ги познава соблекувалните, не насетуваше што се случува, особено ако се има предвид дека делуваше малку импулсивно во други ситуации.