Тардели: Пораз од Интер ќе биде фатален за Фонсека

Милан не ја започна новата сезона на посакуван начин, па тренерот Пауло Фонсека е под голем притисок уште по првите три кола во Серија А.

„Росонерите“ викендов играат со Венеција и не смеат ни да помислат на друга варијанта освен на победа, а своето присуство на стадионот го најави и првиот човек, Гери Кардинале.

Предводникот на актуелните сопственици на Милан досега изразуваше јавна поддршка за Фонсека, но се чини дека тоа може експресно да се промени, па тренерот ќе се надева на позитивен епилог на дуелите со Венеција, односно Ливерпул и Интер кои следуваат до следниот викенд.

Поранешниот италијански репрезентативец Марко Тардели смета дека Интер може да предизвика тренерска смена кај градскиот ривал, а е љубопитен да ги види одлуките на тренерот по непријатната ситуација со Леао и Тео на дуелот со Лацио.

– Едвај чекам да видам како ќе реагира Милан по контроверзите со можеби и своите најважни фудбалери.

Лоша слика за „росонерите“: Фонсека делеше инструкции, двете големи ѕвезди брутално го игнорираа тренерот на Милан (Видео)

– Милан мора да им се врати на победите, бидејќи едно коло подоцна игра со Интер и пораз на градското дерби веројатно ќе биде фатален за тренерот, – рекол Тардели.