Талески: Постои проблем што мораме да го решиме

Македонија го загуби и дуелот со Аргентина (35-26), а тоа автоматски значеше дека останува без пласман во главната фаза на 28. Светско првенство.

Иако нашата лекција токму во дуелот со „гаучосите“ ја гледаше шансата за место во следната фаза, ние бевме одново надиграни, јужноамериканците покажаа многу повеќе во 60 минути во Краков и заслужено остварија триумф.

Ова секако е удар за националниот состав, разочарувањето е големо со оглед на прикажаната игра, а Филип Талески дури и порача дека има одреден проблем кој мора да се реши за да репрезентацијата се движи во вистинска насока.

-Никој не очекуваше, секој коментар е сувишен по овие три порази. Ќе анализираме, очигледно е дека има проблем, но мораме да го решиме ако сакаме репрезентацијата да биде добра, да одиме напред. Меѓутоа во моментов ова е сликата која сите ја гледаме. Останува по СП да анализираме, да видиме што е проблемот и да поправиме, -истакна Талески.

„Црвено-жолтите“ продолжуваат во т.н. Президент куп со натпреварите за пласман од 25 – 32. место.