Талески нов голман на Вардар, потврден и потписот на напаѓачот Спахиу

Најтрофејниот македонски фудбалски клуб Вардар официјализираше уште две засилувања за вториот дел од натпреварувачката 2024/2025.

„Црвено-црните“ добија нов голман во името на Давор Талески кој досега беше дел од составот на Шкендија. Се работи за искусен голман кој долго е на домашната фудбалска сцена, а има настапувано и во странство во Финска и Грција.

Воедно скопскиот тим официјално го потврди и Едиз Спахиу како нов играч. Имено прво беше објавено дека ќе го засили Вардар, потоа беше демантирано дека има потпишано договор и дека приоритет на офанзивецот е да замине во странство за да денеска биде потврден неговиот ангажман.

Спахиу беше еден од најдобрите ако не и најдобар играч на Тиквеш во изминатиов период, тим со кој го освои и Купот на Македонија.

Во кариерата има настапувано уште за Гостивар и Шкендија.