Талески меѓу најефикасните кај Бенфика против Лимож

Македонскиот ракометен интернационалец, Филип Талески имаше уште едно квалитетно издание во дресот на португалска Бенфика и тоа против Лимож во последниот натпревар од групната фаза во Лигата на Европа на ЕХФ.

Бенфика од претходно го имаше обезбедени првото место во групата Ц, па поразот во Франција од 36:28 немаше значење освен тоа што заврши победничката серија на клубот од Лисабон.

Нашиот репрезентацивец беше меѓу најдобрите, најефикасните играчи кај гостите со четири гола од пет обиди, поточно тој беше беше втор стрелец.

Сега Тале и компанија ќе можат максимално да се посветат на настапите во домашниот шампионат, првиот предизвик е Виторија.