Талески и Бенфика продолжуваат да победуваат, Томовски солиден на голот на Потсдам (ВИДЕО)

Бенфика на Филип Талески оствари уште еден триумф во Португалија во уште еден ефикасен меч овојпат против Хорта.

Тале и компанија пред неколку дена му земаа мерка на лидерот Спортинг, па иако таа средба беше исцрпувачка истата како да не остави трага и потврда за тоа е славјето над Хорта на гостински терен со 40:24.

Ова за клубот од Лисабон беше 13. сезонска победа во 16 натпревар, а во истата нашиот репрезентативец учествуваше со два погодоци.

Во Бундеслигата пак Мартин Томовски и Потсдам и понатаму чекаат на триумф, поточно се на „нула“ и по 13 натпревари. Последен мерка им зема составот на Ајзенах кој ги доби на нивен терен со 31:26.

Томовски имаше солиден настап со шест интервенции.