Поврзете се со нас

СЕХА лига

Талески директен: Ако играме вака, нема да ги оствариме нашите цели!

Објавено

на

Екипата на Вардар не се покажа во посакуваното светло на дуелот во Белград кај Партизан и загуби со 28-22 во рамките на СЕХА лигата.

„Црвено-црните“ имаа проблеми во првиот дел, меѓутоа на пауза заминаа со негатива од само еден гол (15-14) што требаше да претставува основа за подобра игра по паузата, ама се случи сосема спротивното, одиграа особено лошо во нападот, дадоа само осум гола за 30 минути што на крајот резултираше до убедлив пораз.

Ваква игра не се очекува од вардарци и тоа многу добро го знае Филип Талески кој со 9 голови беше најсветлата точка на македонскиот шампион на оваа средба.

-Сакам да му честитам на Партизан на одличниот натпревар. Мораме да ги анализираме нашиот пристап и перформансите и да сфатиме дека нема да можеме да ги оствариме нашите цели ако играме вака. Мора да бидеме поагресивни во одбраната и да ги минимизираме техничките грешки, особено против противниците кои знаат истите да ги искористат, -порача Талески.

Реклама
Реклама
Реклама

Популарни