Боречки спортови

Тајсон не можеше да му парира на помладиот Пол во Тексас (Видео)

Објавено

на

16 ноември, 2024

Од

Dejan

Фото: https://twitter.com/netflix

Долго очекуваната боксерска пресметка меѓу Мајк Тајсон и Џејк Пол заврши со судиска одлука и му припадна на популарниот јутјубер и инфлуенсер.

Помладиот од двајцата учесници на ова атрактивно соочување издоминира во осумте предвидени рунди за борбата и заслужено го победи поранешниот светски шампион во тешка категорија.

Тајсон не успеа да го одржи ритамот и на 58-годишна возраст да обезбеди престижна победа, додека Пол забележа уште еден важен триумф во својата специфична боксерска кариера.

Борбата се одржа во Тексас, ја следеа и милиони претплатници на „Нетфликс“, а на крајот судиите одлучиле со резултат 80-72, 79-73 и 79-73, што е потврда за подобрата физичка подготвеност и формата на Пол, нешто што Тајсон не можеше да го испорача на овој езгибизиски дуел.

Според статистиката, Тајсон испорачал само 18 удари, додека Пол имал 78 контакти со поранешниот двократен светски шампион.