„Тајмс“: Сити и Челси соочени со пожестока казна од таа доделена на Евертон

Вчерашната одлука за одземање 10 бодови на Евертон може да биде најава за многу поголема бура во Премиер лигата.

„Тајмс“ денеска излезе со информација дека по казната за клубот од Ливерпул, независната комисија која одлучува за ваквите санкции може да испорача многу пожестоки казни за Манчестер Сити и Челси.

Премиер лигата веќе има докази за прекршување на финансискиот фер плеј од страна на многу побогатите премиерлигаши, а со оглед на бројот на прекршени правила и престапи, казните би ги ставиле Сити и Челси во многу непријатна ситуација.

„Тајмс“ најавува казни со одземање најмалку 30 бодови за двете екипи, па дури и исфрлување од Премиер лигата и префрлување во понизок ранг на натпреварување.

Во моментов Сити е на врвот со 28 бодови, па најавената казна би значела враќање на дното на табелата, додека Челси би бил во многу понезгодна ситуација бидејќи досега освои само 16 бодови.