Тага и тензии на улиците низ Буенос Аирес: Илјадници фанови се поклонуваат пред ковчегот на Марадона (Видео)

Вистински хаос се случува во моментов во главниот град на Аргентина, Буенос Аирес каде полицијата не може да се справи со огромниот број на фанови кои излегоа за последен пат да се збогуваат со легендарниот Диего Армандо Марадона кој почина вчера како последица од срцев удар.

Ковчегот со телото на Марадона е изложен во претседателската палата „Каса Росада“ во Буенос Аирес каде фановите може да дојдат и за последен пат да се збогуваат со идолот на многу генерации.

Бидејќи пред палатата се собраа многу навивачи кои нетрпеливо очекуваат да влезат во просторот каде е изложен ковчегот, настана голема гужва, а полицијата мораше да интервенира и да употреби сила за да ги смири фановите.

Empiezan los disturbios en la
despedida de Maradona💥💥.

Cargas policiales y vallas volando.

🎥 TodoNoticias Argentina pic.twitter.com/3AybKnZPvl

— El Chiringuito TV (@elchiringuitotv) November 26, 2020

Ковчегот е обвиткан со аргентинското знаме, како и со дресовите на репрезентацијата на Аргентина и Бока Јуниорс.