Светски шампион потпиша за евролигашот: Монако донесе засилување од НБА лигата

Екипата на Монако вчера неочекувано остана без трофејот во Купот на Франција, но тој неуспех денеска беше покриен со еден голем трансфер, засилување за евролигашот.

Имено нов член на францускиот прволигаш е искусниот германски репрезентативец Даниел Тајс. Тој од 2017 година настапуваше во НБА лигата и по епизодите во Бостон Селтикс, Чикаго Булс, Хјустон Рокетс, Индијана Пејсерс, Лос Анџелес Клиперс, Њу Орлеанс Пеликанс и по одиграни 411 натпревари се враќа на стариот континент.

Тој потпиша договор до крајот на натпреварувачката 2025/2026 и треба да биде огромно засилување во борбата под кошевите. Светскиот шампион со Германија добро ја познава Евролигата каде како член на Брозе Бамберг имаше учинок од 9,4 поени, 4,5 скока и 0,8 блокади на 54 натпревари.

🆕️ Dᴀɴɪᴇʟ Tʜᴇɪs ᴇsᴛ ᴍᴏɴᴇ́ɢᴀsϙᴜᴇ ! 🇲🇨

💥 Passé par la NBA (Finales en 2022 avec les Boston Celtics) et champion du monde 2023 avec l'Allemagne, Daniel Theis vient renforcer le secteur intérieur de la #RocaTeam pour cette saison et la prochaine 💪

Welcome Daniel !… pic.twitter.com/qHRuwHDEaw

— AS Monaco Basket 🇲🇨 (@ASMonaco_Basket) February 17, 2025