Свечен прием во амбасадата на САД: Агелер доби дрес од Македонија (Фото)

Македонската ракометна репрезентација направи забележителен напредок на последното Светско првенство и успеа да се пласира во втората фаза на натпреварувањето, а сето тоа ќе послужи како големо искуство за младите ракометари водени од Кирил Лазаров.

Ракометната Федерација на Македонија обезбеди премии за добриот настап на мундијалот, но добрата претстава на Македонија на светско ниво ја препозна и амбасадата на САД, во која Живко Мукаетов, Кирил Лазаров и играчите денеска имаа свечен прием.

– Денес на покана на Амбасадорот на Соединетите Американски Држави 🇺🇸, нејзината екселенција г-ѓа Ангела Агелер , беше одржан прием за машкиот сениорски национален ракометен тим 🤾‍♂️ 🇲🇰.

– Во рамки на посетата Претседателот на РФМ г-дин Живко Мукаетов и Селекторот г-дин Кирил Лазаров и подарија македонски дрес и топка своерачно потпишана од сите ракометари кои учествуваа на Светското Првенство 2025 .

– РФМ упатува голема благодарност за приемот и подршката која ја добива до Амбасадата на Соединетите Американски Држави.