Суспендираниот капитен на Реал помилуван за „Ел Класико“, од Барселона лути: Веќе видено…..

Начо Фернандез како капитен го предводеше Реал Мадрид на гостувањето во Џирона кое заврши со победа на „кралевите“, но во самиот финиш од средбата, стоперот го режираше најлошиот потег во кариерата.

Искусниот стопер ужасно стартуваше над Порту и му нанесе повреда на ривалот, а поради агресијата која ја покажа, беше казнет со три натпревари неиграње од дисциплинците во Ла Лига.

Две седмици подоцна, апелациониот спортски суд ја прифати жалбата на Реал Мадрид и ја намали казната на Начо, па тоа донесе навистина измешани реакции во јавноста.

Помилувањето од еден меч автоматски значи дека Начо ќе може да игра на „Ел Класико“ против Барселона, па од каталонскиот клуб се јавија со кратко соопштение преку мадридскиот медиум „АС“.

– Ова е веќе видено. Повеќе не не изненадуваат вакви работи и вакви одлуки, – гласи пораката на портпаролот на Барселона.