Суспендиран теренот на Башкими, дисциплинската комисија е на потег

Дуелот меѓу Башкими 1947 Куманово и Каменица Саса во втората македонска фудбалска лига заврши без победник 2-2, но ова беше дуел кој беше одбележан до инцидент во самата завршница кога еден домашен навивач закачи играч на гостите.

На крајот мечот се доигра, ама стана јасно дека Башкими ќе заработи казни и сега имаме реакција од Комисијата за натпревари на ФФМ која го суспендира теренот, поточно сега на потег е Дисциплинската комисија која ќе одреди санкција за овој инцидент во Куманово.

-Комисијата за натпревари на ФФМ на денешната седница донесе одлука со која теренот на ФК Башкими 1947 Куманово  се суспендира за одигрување на првенствени и куп натпревари кога како домаќин е екипата на Башкими 1947 Куманово, се до донесување на конечна одлука на Дисциплинската комисија на ФФМ, -порачаа од куќата на фудбалот.