Суровата изјава на Чави која го најави „случајот Олмо“ уште пред седум месеци (Видео)

Чави Ернандес си замина од Барселона на крајот на минатата сезона, но пред да го направи тоа, испорача една изјава која одѕвонува во Каталонија и на самиот старт на 2025-та година.

Пред да заработи отказ од претседателот Жоан Лапорта, Чави беше максимално објективен и транспарентен при средбата со шпанските новинари, на кои им порача дека Барселона како клуб не може да се носи и да им парира на најмноќните клубови во Шпанија и Европа на финасиски план.

Чави тогаш нагласи дека пазарната моќ на Барса не е ни одблику од идеална, а со оглед на тоа што изјавата ја даде во месец мај, истата сега стана вирална во ситуација кога клубот не успеа да го регистрира Дани Олмо за вториот дел од сезоната.

– Каталонците, сосиосите и навивачите на клубот треба да сфатат дека ситуацијата е многу тешка, пред се на економски план. Во овој момент не можеме да се носиме со најголемите противници како што е Реал Мадрид во Шпанија, но и многу останати во Европа. Сега сме во финансиска ситуација каква што не се памети во последните 25 години.

– Порано кога доаѓаше еден тренер, само велеше: Го сакам овој, овој и овој играч……. Сега повеќе не е така, немаме исти услови како останатите најмоќни клубови, – порача Чави во месец мај.

Седум месеци подоцна, испадна дека тоа што го зборуваше Чави е само сурова реалноста, па последен доказ за тоа се недоволните ресурси на клубот да го регистрира навреме најголемото засилување од летниот преоден рок.

El régimen populista laportista no acepta la disidencia. En el régimen populista laportista no hay libertad de opinión. Echaron a Xavi y cerraron la grada d’animaciò. Después del ridículo de Olmo, ¿qué harán para cerrarnos la boca? Lotta dura senza paura! #laportadimisió pic.twitter.com/Kh6hlsFW4S

— Maxi Morgante (@maximorgante) January 1, 2025