Супер волеј погодок на разиграниот Антони, Бетис го суреди Реал Сосиедад (ВИДЕО)

Бразилецот Антони продолжува да блеска во дресот на Бетис по трансферот од Манчестер Јунајтед, односно да покажува дека е друг човек по преселбата во Севилја.

Офанзивецот дојде на мала врата во шпанскиот прволигаш по лошата епизода на „Олд Трафорд“, но има фуриозен старт на новиот предизвик во кариерата, а добриот ритам го потврди и вечерва во пресметката со Реал Сосиедад.

Антони постигна атрактивен волеј погодок, плус забележа и асистенција за последниот гол на Рока, играч кој беше двоен стрелец на „Бенито Вилјамарин“ во славјето од 3-0. (ТУКА погледнете ги головите)

Инаку Сосиедад овој меч го заврши со девет играчи, поточно црвени картони заработија Зубелдија во првото и Бекер во второто полувреме.