Супер лигата доби ново име и формат, бара признавање од УЕФА и ФИФА

Контроверзната Супер лига беше блокирана од речиси сите клубови уште по објавувањето на иницијативата, во меѓувреме беше променет најавениот формат, за денеска да биде промовирана со ново име и формат со четири различни нивоа на натпреварување.

Супер лигата ќе се вика „Јунифај лига“ (Unify), го добила името според најавената платформа за бесплатен стриминг, а компанијата која стои зад неа како промотор побарала признавање од страна на УЕФА и ФИФА.

Најголемата промена е што новото натпреварување ги исполнува условите на УЕФА и ФИФА во однос на начинот на квалификации и учество, нешто што било барано и од потенцијалните учесници, што значи дека и сите клубови ќе имаат можност за место во лигата.

Во новиот формат ќе има четири нивоа, односно лиги, во првото ќе учествуваат 16 екипи поделени во две групи, кои по натпреварите на домашен и гостински терен ќе се борат за четвртфинале, а најдобрите ќе обезбедат пласман на фајнл-фор завршница.

Во сите четири нивоа ќе учествуваат вкупно 96 клубови, пласман ќе се обезбедува преку домашните лиги, а ќе има можност и за напредок во повисоко ниво.

📣NEWS: Today, we submitted our proposal for official recognition of a new European competition to UEFA and FIFA: introducing the Unify League, with modified qualification system based on domestic league performance.https://t.co/M72nhYtJ2o
Watch CEO Bernd Reichart explain: pic.twitter.com/yN81V5NVcI

— A22 Sports (@A22Sports) December 17, 2024