Супер компјутерот на „ОПТА“ предвиде кои екипи ќе испаднат од Премиер лигата, Евертон и Палас се сигурни

Премиер лигата продолжува утре со „Боксинг деј“ колото кое започнува од 13:30 часот, а „ОПТА“ направи интересна анализа со помош на супер компјутерот, кој предвидел кои три екипи нема да обезбедат опстанок сезонава.

Јасно е дека Саутемптон е главен кандидат за трансфер во Чемпионшип, а анализата на супер компјутерот покажал дека „светците“ имаат 97,8% шанси да ја напуштат најелитната лига по крајот на сезоната.

Ипсвич ќе заврши на претпоследното место, но Волвс ќе се спасат и наместо „волците“, во понизок ранг ќе заминат „лисиците“, односно екипата на Лестер.

Шансите на Лестер да не обезбеди опстанок се 62,4%, додека Волвс е на 52,4%.

Најсигурни од екипите од долниот дел на табелата се Евертон и Кристал Палас, при што за „карамелите“ има само 7,6% веројатност дека може да останат без местото во Премиер лигата.