Сунес со посебни комплименти за еден фудбалер: Тој има потенцијал да го достигне Зидан

Греем Сунес неретко ја користи улогата на стручен коментатор за да испрати критики за фудбалерите кои го разочарале и тоа го прави на директен начин, но во последниот настап решил да издвои еден позитивен пример.

Се работи за новата ѕвезда на Реал Мадрид, Џуд Белингам, кој според шкотската легенда поседува квалитети слични на тие на легендарниот Зинедин Зидан.

– Многу ретко карактеризирам фудбалери како „големи играчи“, а тоа посебно важи за играчите од среден ред кои најчесто ги критикувам.

– Но, нема да се двоумам да кажам дека Белингам влегува во оваа група, тој ги има физичките предиспозиции и техничките квалитети на еден Зидан.

– Зидан е еден од најдобрите играчи во историјата на Реал Мадрид, а времето ќе покаже дали Белингам ќе го искористи потенцијалот за да го достигне ова ниво. Во моментов, неговиот потенцијал изгледа неограничено, – изјавил Сунес.