Сунес предвидува потоп за најавеното засилување на Тен Хаг

Манчестер Јунајтед е во завршна фаза од преговорит за двајца играчи на Баерн Минхен, па се очекува до стартот на новата сезона да ги потврди ангажманите на Мазрауи и Де Лихт.

Многу поголемо внимание привлекува договорот со холандскиот дефанзивец кој своевремено важеше за најталентиран стопер во светот, но покрај позитивните коментари, ими и легенди кои се сомневаат во квалитетите на Де Лихт.

Рио Фердинанд прв се огласи и посочи дека Матијс нема да биде добро решение за одбраната на Манчестер Јунајтед, но уште побрутален со зборови беше Грем Сунес.

– Имам големи сомнежи околу Де Лихт. Тој не влезе во тимот на Европското првенство, тој беше само член од холандскиот тим на турнирот. Тој беше ѕвезда додека беше момче, но оттогаш не напредуваше.

– Не сум сигурен дека тој е играчот кој му е потребен на Јунајтед. Знам дека Манчестер очајно треба да купи стопер, но кога го гледам Де Лихт, гледам играч кој не е доволно цврст. Тој е дефанзивец од лесна категорија, за мене, од дефанзивецот треба да очекувате да се брани. Во модерниот фудбал, на тренерите тоа не им стана толку важно, поважно им е да знаат да ја изнесат топката од својата половина, – вели легендарниот Сунес.