Судот во Скопје им изрече високи затворски казни на обвинетите за убиството на Денис Тот

Случајот „Денис Тот“ денеска доби своја разрешница во основниот кривичен суд во Скопје, откако судијката Елена Илиевска-Јосифовиќ изрече високи и ригорозни казни за убиството после сите изјави од очевидците, но и доказите кои беа доставени од безбедносните камери.

Ракометарот на РК Бутел беше претепан до смрт на 7-ми април оваа година и животот го загуби во една од скопските клиники кога имало неуспешен обид за реанимација, скандал кој го обои во црно ракометот во нашата земја, но и во Хрватска.

Младиот хрватски ракометар го загуби животот на само 27 години поради тешките повреди добиени на главата и ‘рбетниот столб, а денеска тројцата првоосомничени ги дознаа казните кои ќе мора да ги одлежат.

Изрекувањето на пресудата траеше околу еден час во осоновниот суд, а судијката пред да ја изрече конечната одлука објасни дека за кривичнот одело убиство минималната казна е 5 години, а максималната 20.

Првообвинетиот Анџело Ѓорѓиевски кои му ги задал првите удари во глава на Тот доби 18-годишна завторска казна, второобвинетата Клементина Лефковска доби идентичка казна од 18 години, а третообвинетиот Андреј Костовски ќе мора да отслужи затворска казна од 16 години.