Судијата означи крај на мечот, Гатузо влета на теренот и им држеше лекции на своите фудбалери (Видео)

Хајдук повторно не воодушеви со прикажаната игра во домашното првенство и долго се мачеше против Осијек, но сепак избраниците на Џенаро Гатузо се изборија за победа, трета во петтото коло.

Тимот од Сплит го скрши отпорот во 56-та минута и успеа да слави со голот на Ливаја, а погодокот беше постигнат во ситуација кога шанса на теренот доби и нашиот Алекс Трајковски.

Хајдук до крајот го контролираше резултатот и остана на единствениот гол, но во завршницата имаше и нервоза, која предизвика бесна реакција од Џенаро.

Рино очигледно беше незадоволен од потезите и решенијата на своите играчи во завршницата, па реши да има свое шоу во стилот на Пеп Гвардиола.

Гатузо влета на теренот по последниот судиски свиреж, при што бесно викаше и им делеше лекција на дел од своите играчи.