Судијата кој го удри Робертсон е „замрзнат“, Тирни ќе си бара друг асистент

Одговорното тело за англиските судии, предводено од Хауард Веб, денеска официјално потврди дека е започната истрага за инцидентот на дербито меѓу Ливерпул и Арсенал, кој невообичаено беше предизвикан од еден од судиите.

Константин Хацидакис, еден од асистентите на Пол Тирни го удрил со лакт домашниот фудбалер Енди Робертсон, сцена која не влезе во тв преносот, но е забележана со видео снимка.

Робертсон дури доби жолт картон откако протестираше за ситуацијата, но сега допрва ќе се утврдува дали казна треба да следува и за Хацидакис.

Судиското тело потврди дека Хацидакис ќе биде „замрзнат“ додека трае истрагата и не е донесена одлука, па Тирни ќе мора да најде друг асистент за следните средби.

Поранешниот фудбалер Крис Сатон побара строга казна за судијата, додека Рој Кин го опиша Робертсон како „големо бебе“ за целата ситуација.

Инцидент кој не беше прикажан во ТВ преносот: Линискиот судија му удрил лакт на Робертсон, комисијата отвори истрага (Видео)