Суарез со солзи во очите најави крај на репрезентативната кариера: Ова е мојот последен меч за Уругвај (ВИДЕО)

Ѕвездата на Интер Мајами, Луис Суарез најави крај на кариерата и тоа репрезентативната која ќе ја заврши во текот на оваа седмица.

Популарниот Ел Пистолеро кој е најдобар стрелец во историјата на Уругвај со 69 гола одлучи пресметката со Парагвај во Монтевидео да биде негов последен меч во небесно-синиот дрес.

-Тешко ми е ова да го кажам, но ова ќе биде мојот последен настап за Уругвај. Размислував за тоа и анализирав. Ова е вистинско време. Имам свои причини, но е тешко, многу тешко. Последниот натпревар ќе го одиграм со истиот ентузијазам како и првиот што го одиграв во 2007 година, со ентузијазам на 19-годишно дете.

-Ќе дадам се од себе, така ме учеа. Имам 37 години, тешко ќе дојдам до следното Светско првенство, -порача Суарез кој најголемиот успех со националниот тим го доживеа во 2011 година кога беше освоена Копа Америка.

😞 “𝐒𝐞𝐫𝐚́ 𝐦𝐢 𝐮́𝐥𝐭𝐢𝐦𝐨 𝐩𝐚𝐫𝐭𝐢𝐝𝐨 𝐜𝐨𝐧 𝐥𝐚 𝐒𝐞𝐥𝐞𝐜𝐜𝐢𝐨́𝐧”

Luis Suárez confirmó en conferencia que se retira de 𝐿𝑎 𝐶𝑒𝑙𝑒𝑠𝑡𝑒.

📺 https://t.co/qVMBrYJR1J #ElEquipoQueNosUne pic.twitter.com/oRuiJVUBz0

— Selección Uruguaya (@Uruguay) September 2, 2024

Средбата со Парагвај е во рамките на 7. коло од квалификациите за Светското првенство во 2026 година.