Суарез се соочува со големи проблеми: Пред натпреварите пијам по три таблети и…

Луис Суарез си заминува од бразилски Гремио и како негова наредна дестинација се најавува Интер Мајами каде одново би се споил со неговиот добар пријател Лионел Меси, но и со Жорди Алба и Серхио Бускетс.

Меѓутоа останува да се види дали ова сценарио ќе се реализира, односно дефинитивно постои опција и да стави крај на кариерата со оглед на тоа што има големи проблеми со коленото. Популарниот Ел Пистолеро обелодени дека мора да пие таблети и да прими инјекција во коленото за да може да биде активен на терените, натпреварите.

-На ден пред секој натпревар треба да пијам три таблети и неколку часа пред мечот примам инјекција. Ако не го направам тоа, не можам да играм. Морам да размислувам за фактот дека за пет години можеби нема да можам ни да играм фудбал со моите пријатели. Вистината е дека моите први чекори секое утро се многу, многу болни. Секој што ме гледа мисли дека е невозможно да играм фудбал. Мојот син постојано ме вика да играм, а јас едноставно не можам, -вели Уругваецот кој во јануари ќе го прослави 37. роденден.