Суарез: Многу ми се допаѓа оваа Барселона, двајца играчи се над сите!

Луис Суарез е еден од најдобрите, најквалитетните играчи што го носеле дресот на Барселона во модерната ера или поточно во 21 век.

Тој во клубот играше шест сезони, период во кој ги освои сите можни титули и дефинитивно има статус на легенда во шпанскиот великан. Суарез и денеска со внимание ги следи каталонците, нивните натпревари и е воодушевен од оваа Барса под водство на Ханси Флик.

-Ја сакам денешната Барселона. Тимот има динамика, стил на фудбал и ниво на ефикасност што е навистина импресивно. Има двајца играчи кои се далеку над просекот, според мене – Педри и Ламин Јамал. Тие ја прават разликата.

-Нивото на Педри е неверојатно, ме изненадува колку е конзистентен и присебен. Ламин… на негова возраст, тоа што го прави? Тоа е нереално. Ги имате Рафиња и Левандовски кои испорачуваат во клучни моменти. Но тие двајца – Педри и Ламин – се нешто друго, -истакна Уругваецот.