Суарез: Ќе биде тешко без публика и на топло време, но ние имаме јасна цел

Фудбалот во Шпанија продолжува, а во пол-позиција за титулата е секако Барселона која е водечка на табелата со плус два во однос на вечниот ривал Реал Мадрид.

Добра вест за каталонците е и што Луис Суарез е подготвен за игра и ќе биде како ново засилување со оглед на тоа што во нормални услови напаѓачот ќе беше недостапен за настап до крајот на сезоната.

-Добро се чувствувам, прилагодувајќи се на тренинзите со моите соиграчи. Враќањето по повредата е секогаш тешко, затоа што малку се плашите, но драго ми е што се вратив, -истакна Суарез кој проговори за рестартот на фудбалот во Примера.

-Ние не сме навикнати да играме на толку топлина среде лето. Ние се прилагодуваме на играњето без публика што ќе биде необично. Ние ќе продолжиме да се фокусираме на победа на натпреварите и да ја освоиме лигата, тоа е она што сите го сакаме, -порача Уругваецот.