Суарез го коментирал можното реактивирање на тандемот со Меси во Интер Мајами

Лионел Меси веќе го засили Интер Мајами, но шпанските медиуми тврдат дека во игра за трансфер во МЛС клубот се и други поранешни фудбалери на Барселона.

Најголемо внимание предизвика можното реактивирање на тандемот Лео Меси-Луис Суарез, а шпекулациите отидоа дотаму што самиот Уругваец мораше да ги демантира.

– Информацијата не е точна, такво сценарио не е возможно во моментов.

– Среќен сум во Гремио и имам договор со овој клуб до 2024 година, – истакнал Суарез за весникот „Ел обсервадор“.

Пореална опција за Интер Мајами е Серхио Бускетс, кој е слободен агент по разделбата со Барселона, а се споменува и името на Жорди Алба, кој исто така е веќе поранешен играч на Каталонците.