Струмица Никоб и Работнички Скопје ги освоија трофеите во Купот на Македонија

Екипите на Струмица Никоб и Работнички Скопје ги освоија трофеите во машка и женска конкуренција во Купот на Македонија.

Во големото финале кај мажите составот на Струмица Никоб не дозволи никакво изненадување и го преслуша ГОК Борец со 3:0 во сетови (27:7, 25:23, 25:18). Ова за нив беше деветти трофеј во оваа конкуренција или севкупно 18 пехар во нивните витрини.

Милев имаше 12, Хараба 11 поени, додека кај поразените најефикасни беа примачите Волков со 14 и Костиќ со 12 поени.

Кога е во прашање финалето кај дамите во Радовиш, тимот на Работнички Скопје ја одбрани титулата и тоа откако со пресврт го доби Наковски волеј со 3:1 (23:25, 25:18, 30:28, 25:16).

Стојанова освои 17 поени, Баталаковска 16 исто колку и Ѓурѓевиќ. Кај Наковски најефикасна беше Љиља Ковачевиќ со 13 поени.