Струга оди во Анталија, предвидени се пет контролни натпревари

Актуелниот македонски шампион Струга Трим Љум го објави планот за подготовките за вториот дел од сезоната во кој екипата ќе има предизвици во шампионатот и Купот.

Струга ќе стартува на 8 јануари и првите десет дена ќе ги одработи дома во Македонија по што лета за Турција каде во периодот од 18 јануари до 1 февруари ќе биде во Анталија каде ќе има пет силни натпревари со ривали од Унгарија, Полска, Русија, Казахстан и Словачка.

Потоа стружани ќе се вратат назад каде ќе имаат генералка со противник кој допрва ќе го објават, поточно истиот ќе биде завршен тест пред првенствената средба со Гостивар закажана за 16 февруари на гостински терен.