Струга најде решение за „пандевци“ и ја завери есенската круна

Струга Трим Лум со доста мака успеа да се справи со Академија Пандев и победи со минимални 1:0, триумф со кој го завери приматот есенски шампион во првиот дел од сезоната.

Иако ќе се одигра уште едно коло кое е последно за првиот дел од сезоната и оваа 2022-ра година, денешниот тримф на стружани значеше дека не можат да бидат симнати од првото место до наредната година, кога ќе продолжи вториот дел од шампионатот во Првата македонска фудаблка лига.

Стружани долго се мачеа да го скршат отпорот на „пандевци“, но голот на Илиески во 69-та минута го реши прашањето околу победникот и донесе важен триумф за домашниот тим.

Фаворитите Шкупи и Шкендија исто така запишаа победи во денешната рунда во македонскиот фудбал, бидејќи скопскиот тим беше подобар од Брегалница со 3:1, а со истиот резултат тетовскиот тим славеше кај Македонија Ѓорче Петров.

Победа и Скопје ремизираа со најнепопуларниот резултат (0:0), а на последниот меч денеска Тиквеш на домашен терен претрпе пораз од Силекс (0:2).