Поврзете се со нас

Македонија

Струга го освои Кратово за место во Европа, Силекс и Ренова ќе играат баражи за опстанок во ПМФЛ

Објавено

на

Фудбалерите на Струга Трим Љум го победија Силекс и го потврдија излезот во европските купови во наредната сезона.

Четата на Захариевски долго играше без напаѓачот Алтипармаковски кој поцрвене во првото полувреме, но без разлика на тоа стружани во вториот дел успеаа да дојдат до гол за победа од 1-0 и исторски пласман во Европа.

Овој резултат ја направи безначајна победата на Македонија Ѓорче Петров над Вардар од 2-0. „Лавовите“ во второто полувреме го скршија отпорот на домаќините со погодоците на Петров и Божиновски.

Академија Пандев со славјето над Борец од 3-1 го потврди прволигашкиот статус за кој допрва преку бараж ќе треба да се избори Ренова која денеска ремизираше со Работнички (1-1).

Резултати 33.коло:

Академија Пандев-Борец 3-1

Пелистер-Беласица 2-0

Ренова-Работнички 1-1

Вардар-Македонија ЃП 0-2

Силекс-Струга 0-1

Шкендија-Шкупи 1-1

Реклама
Реклама
Реклама

Популарни