Струга ангажираше дефанзивец од Сенегал, Воска Спорт доби нов тренер

Македонските фудбалски прволигаши Струга Трим Љум и Воска Спорт ги официјализираа новитите кои се однесуваат на ангажман на играч, односно промена на тренерската позиција.

Имено шампионот Струга се пофали со засилување од Сенегал, 24-годишниот Папе Фал. Африканецот е лев бек кој може да игра и како стопер, а во Македонија доаѓа од Лиепаја од Летонија. Тој со стружани потпиша тригодишен договор.

Само за потсетување претходно беше доведен Меметриза Хамза од Башкими.

Кога е во прашање пак Воска Спорт, клубот доби нов тренер и тоа во името на Сафет Ишлер. Ишлер доаѓа на местото на Сеит Крека, а воедно составот од Охрид соопшти дека се во тек преговори за реорганизација во раководните структури.

Воедно беше демантирано дека ќе биде променето името на клубот, а и дека истиот од Охрид ќе биде преселен во Гостивар.