Страшна трансформација за големиот УФЦ спектакл: Волкановски ослабел 12 килограми за 11 дена! (Фото)

Александар Волкановски е неприкосновен крал во перо категорија, но сега повторно имаше специјална подготовка за да биде дел од толку најавуваниот меч во лесна категорија.

Борецот со македонско потекло овој викенд ќе биде дел од големиот УФЦ спектакл, во кој ќе гледаме реванш меѓу него и Ислам Махачев од Русија. Првата нивна борба заврши со контроверзна победа на Махачев по одлука на судиите, па сега Волкановски се надева дека ќе успее да му се реваншира на противникот.

Интересно, двајцата борци успешно го минаа мерењето и џентлменски се поздравија пред големата борба, но всушност Алекс морал да направи голема жртва за да биде дел од спектаклот во Абу Даби.

Џордан Саливан како експерт за строга диета и исхрана имал напорна работа со Волкановски изминатите 11 дена, во кои Австралиецот успеал да стопи неверојатни 12 килограми за да се подготви за борбата и да го мине мерењето.

Саливан објави фотографија од страшната трансформација на Алекс, а потоа и видео со кое долови како изгледал завршниот процес за намалување на килограмите.

 

View this post on Instagram

 

A post shared by Jordan Sullivan (@the_fightdietitian)

 

View this post on Instagram

 

A post shared by Jordan Sullivan (@the_fightdietitian)