Страшен меч во Франција: Шортс и Париз од минус 19 до победа над Монако (ВИДЕО)

Тимот на Париз за кого настапува македонскиот репрезентативец Ти-Џеј Шортс со пресврт излезе како победник во дерби пресметката со Монако во првата француска лига.

Домаќините имаа двоцифрена негатива по 20 минути игра (49:38), а во третиот период губеа и со 19 разлика, меѓутоа избраниците на Сплитер уште еднаш покажаа, потврдија дека никогаш не се откажуваат и дека се состав со карактер кој се бори до самиот крај.

Тие дојдоа до минус 12 по 30 минути за да во завршниот период со 31:19 се изборат за реми од 92:92, поточно продолжение во кое губеа со 104:99 за да потоа стигне жесток одговор, серија од 12:0 за конечни 111:104.

Хифи и Ворд искомбинираа 48 поени, Шортс пак се разигра кога најмногу требаше и реализираше дабл-дабл од 18 поени и 11 асистенции. Најдобар поединец кај Монако беше Окобо со 27 поени.

Le résumé du choc de la J11 entre @ParisBasketball et @ASMonaco_Basket 📺🍿

Un match de QUA-LI-TÉ 🤩#BetclicELITE @DAZN_FR pic.twitter.com/eC4q99bZZI

— Betclic ELITE (@Betclic_ELITE) December 8, 2024

Ова за Париз беше трета победа во изминатава седмица, сега имаат 9-2 учинок во домашниот шампионат.