Страшен „кам-бек“ за Србинот: Јовиќ го отвори контото во Бундеслигата со два фантастични гола (Видео)

Лука Јовиќ влезе на местото на Дурм во 62-та минута од мечот со Шалке 04 и со тоа беше означен старт на неговата втора етапа во Ајнтрахт Франкфурт, а на српскиот напаѓач потребни му беа само 30 минути за да покаже за каков расен голгетер станува збор кога некој верува во неговите квалитети.

Напаѓачот не успеа да се справи со притисокот во Реал Мадрид и во последно време речиси и воопшто да не добиваше шанса, а иако самиот нагласи дека ќе му биде потребно време за да се врати во форма, вечерва покажа дека тоа може да изгледа и поинаку.

Јовиќ постигна два гола во период од 30-тина минути на теренот и му донесе победа на Ајнтхрахт Франкфурт против Шалке од 3:1, со што на фасцинантен начин го одбележа своето второ деби за клубот обоено во „црвено-црно“.

Лука влезе во 62-та минута, десет минути подоцна погоди за 2:1 по асистенција на сонародникот Филип Костиќ, а во судиското продолжение ги постави конечните 3:1 со гол во манир на врвен стрелец, исто така по додавање на Србинот Костиќ.