Страшен гол: Сабицер испрати неверојатна „бомба“, неприродниот лет на топката ги воодушеви фановите (Видео)

Ред Бул Лајпциг се издвојува како сериозен кандидат за титулата во Бундеслигата и единствен тим кој може да го предизвика Баерн Минхен, откако составот на Нагелсман успеа да го искористи и вториот кикс на шампионот во краток временски интервал.

Баерн вчера загуби од Ајнтрахт Франкфурт и беше јасно дека Лајпциг може да дојде само на минус два доколку победи во Берлин, а тоа го направи ова попладне на фантастичен начин.

Гостите на крајот успеаја да слават со 0:3, средба која ќе остане запаметена по ремек-делото на Сабицер, кое сигурно ќе конкурира за гол на сезоната во Бундеслигата.

Австриецот испрати неодбранлив проектил во мрежата на Херта, а „реакцијата“ на голманот Јарстеин најдобро отсликува за каква мајсторија станува збор.

Голманот на Херта остана скаменет и не можеше да одговори на „бомбата“ која доби неприроден лет, а воодушевувањето не го криеше и Нагелсман кој беше сведок на бравура за почетно водство од 0:1.