Страмачони го нападна Инѕаги: Нема потреба од барање алиби

Симоне Инѕаги одби да прави техничка анализа на дербито против Јувентус и главен фокус стави на контроверзниот момент од првото полувреме, посочувајќи дека Интер бил ограбен на „Џузепе Меаца“ при првиот и единствен гол на средбата против тимот од Торино.

Поплаките од тренерот на Интер само ја продолжија дебатата во италијанската јавност која започна уште на полувреме, но има и такви кои го гледаат дербито и од поинаков агол, а еден од нив е Андреа Страмачони.

Поранешниот тренер на Интер го нападна Инѕаги за своето обраќање по дербито и му порача повеќе да се фокусира на играта која ја имаше неговиот тим, наместо да бара алиби за поразот во кој домашниот тим беше навистина скромен.

– Не може да барате оправдување за ваков пораз поради хипотетичко играње со рака во 30-та минута од првото полувреме. Тоа е како да си барате алиби. Зарем Кифи четири минути ќе ја прегледуваше акцијата на мониторот. Одлуката ја донесе некој од ВАР собата, а не Кифи.

– Историјата на фудбалот не научила дека за време на фудбалски меч, може да имате негативни епизоди. Тоа се случувало и ќе се случува, но вие не може да престанте да играте после тоа. Ова беше лош пораз и тоа е она за што треба да се зборува. Следат 15 дена во кои ќе има негативна атмосфера во Интер и ќе биде тешко да се изменаџира овој период, – смета Страмачони.