Стоперот на Марсеј без влакна на јазикот: Лесно е да се справите со неинтелигентна личност како Нејмар! (Видео)

Дефанзивецот Алваро и Нејмар понудија нова непријатна и невкусна епизода на еден фудаблски терен, а препукувањата ги продолжија и на социјалните мрежи каде имаше ниски провокации и дрски одговори.

Стоперот на Марсеј во три наврати го фаулираше Бразилецот на вчерашното финале во Супекупот и овој му се реваншираше со провокација за време на прославата на голот од пенал, но го поздрави и на Твитер со објавата за освоениот трофеј.

Алваро не се штедеше и посочи дека неговите родители добро го научиле како да се справува со „ѓубрето“, а во текот на денот, се појави и ексклузивното видео кое го одработил за шпанската емисија „Чирингито“.

Имаше и „трето полувреме“: Непријателите Нејмар и Алваро приредија циркус во финалето во Франција (Видео)

Фудбалерот на поразениот тим во финалето во видеото открива дека добил провокации од Нејмар и за време на доделувањето на медалите и Бразилецот го барал со поглед за време на церемонијата, па Алваро си даде за право да го нарече Бразилецот крајно неинтелигентна личност.

– По крајот на мечот, продолжија провокациите. Секој остава своја слика за себе со своите постапки. За време на доделувањето на медалите, продолжи по својот пат и со своите провокации, а потоа имаше и твит и одговор од мене. Кога за противник имате далеку понеинтелигентна личност од вас, многу лесно се справувате со него, во сите сфери во животот, – порача Алваро.