Столе може да здивне: Мамардашвили пред трансфер во англиски великан

Иднината на Столе Димитриевски во Валенсија стана неизвесена и покрај тоа што на почетокот на летото се пресели на „Месталја“, сето тоа како резултат на бавниот развој на настаните со Гиорги Мамардашвили.

Македонскиот голман пристигна во Валенсија за да биде прв чувар на мрежата и му беше ветена продажба на Мамарадашвили, но бидејќи ваквата операција се одолговлекуваше и одложуваше, постоеше и можност Димитриевски експресно да си замине од новиот клуб.

Тоа ќе му беше олеснето поради специјалната клаузула со која може да си оди за 3 милиони евра, но како што стојат работите, до такво сценарио сепак нема да дојде.

Димитриевски полека може да здивне и да се надева дека ќе биде стартер на првиот меч против Барселона кој се игра в сабота, откако Ливерпул денеска направил значаен напредок во преговорите со Валенсија, но и со самиот голман.

Всушност, англискиот великан веќе се договорил со Мамардашвили и му понудил поовеќегодишен договор, а Грузиецот исто така прифатил првата сезона да мине на позајмица во Борнмут.

Во овој момент, преостанува само да се прецизираат деталите меѓу двата клуба, а според информациите, целокупната зделка ќе изнесува измеѓу 35 и 40 милиони евра.