Стоилковска надиграна од првата носителка на турнирот во Кенија

Македонската тенисерка, Магдалена Стоилковска претрпе очекуван пораз од првата носителка Валерија Страхова на ИТФ фјучерсот во Најроби, Кенија.

Страхова е далеку подобро пласирана од Стоилковска на ВТА листата, разликата е дури 906 позиции и тоа дефинитивно се почувствува на овој меч пред се во првиот сет кој Украинката го доби со 6-1.

Во вториот беше далеку поизедначено, Магдалена дури и направи два брејка на стартот и поведе со 3-0 во гејмови, ама тој ритам потоа не го задржа, противничката се врати за да на крајот се заврши со 7-5.

Македонката на овој турнир кој се игра на земјена подлога настапи и во конкуренција на двојки со Ема Ван Попел од Холандија и загубија во првото коло со 2-0 во сетови од Ашмита Еасварамурти од Индија и Лексуе Ксиао од Кина.