Стјуардите ја повлекоа казната и го разубавеа дебито од соништата за Антонели (Фото)

Кими Антонели денеска стана најдобриот дебитант во последните 10 години во Формула 1, откако возачот на Мерцедес успеа да се избори за високо четврто место.

Иако по крајот на трката му беше изречена казна од пет секунди и беше преместен на петтата позиција, жалбата на Мерцедес на крајот вроди со плод, па младиот Антонели се враќа на местото кое го избори на патеката.

Младиот возач на Мерцедес со четвртото место стана најдобриот дебитант во изминатата деценија во „најбрзиот циркус“, што само е потврда дека Тото Волф направи добар потег што му даде шанса на највисоко ниво.

Трката во Австралија дефинитивно долго ќе остане во сеќавање на 21-годишниот возач, кој денеска напредуваше од 16-то до 4-то место, завршувајќи зад својот тимски колега Расел.

Со најновата одлука на стјуардите, Антонели добива два бода повеќе и освои вкупно 12, додека два помалку сега има Алекс Албон кој падна на петтото место (10).

Kimi Antonelli's five-second time penalty has been removed after Mercedes submitted a successful ‘Right of Review’ request

Read the full story below 📝#F1 #AusGPhttps://t.co/I7q5aPpQwN

— Formula 1 (@F1) March 16, 2025