Поврзете се со нас

Англија

Стерлинг ја погоди трибината од „белата точка“, голот на Фоден доволен за победа на Сити (Видео)

Објавено

на

Манчестер Сити е се поблиску до самиот врв во Премиер лигата и со еден натпревар помалку стигна на само минус четири од лидерот Манчестер Јунајтед, откако во заостанатиот натпревар против Брајтон вечерва оствари минимална победа.

Избраниците на Пеп Гвардиола играат се подобро од натпревар во натпревар, а иако денеска не беа убедливи на теренот, сепак успеаја да освојат три бода и да врзат четврта победа во низа во Премиер лигата.

Одлучувачки се покажа моментот пред крајот на првото полувреме, кога талентираниот Фил Фоден доби добра топка од Кевин Де Брујне, а потоа прецизно биеше со својата послаба нога за водство од 1:0 во 44-та минута.

Младиот англиски фудбалер добива се поголема доверба од Пеп и на истата возвраќа со фантастични партии, па така вечерва неговиот гол се покажа како доволен за кршење на отпорот на незгодниот Брајтон.

Пред крајот на натпревар, Рахим Стерлинг доби шанса за посигурна победа, но во судиското продолжение не го реализираше пеналот и натпреварот заврши 1:0.

Реклама
Реклама
Реклама

Популарни