Стерлинг извиси за дербито со Сити, неговите агенти веднаш побараа одговори од Челси

Челси на располагање има преголем број фудбалери и јасно е дека дел од нив мора да заминат во други средини или да се соочат со фактот што нема да бидат во комбинација кај менаџерот Енцо Мареска, а во оваа група очигледно е и Рахим Стерлинг.

Повремениот англиски репрезентативец денеска не е вклучен во составот со кој Челси ќе го пречека шампионот Манчестер Сити, а неговиот агент реагираше експресно, барајќи одговори од клубот.

Изненадувањето е поголемо бидејќи Стерлинг настапуваше на сите контролни натпревари, фановите беа сигурни дека ќе биде дел од тимот, а дури реализирал и интервју за клупската интернет страница.

– Стерлинг има договор и обврски кон Челси уште три години.

– Се врати во Англија две недели порано за да спроведе индивидуална програма на тренинзи и има одличен однос со новиот менаџер.

– Како и секогаш Рахим е подготвен да го даде максимумот за клубот, беше вклучен и во промотивниот материјал за оваа средба, па очекувавме дека на некој начин ќе биде вклучен во тимот. Како тим на фудбалерот секогаш сме имале позитивен дијалог со клубот и сега очекуваме да добиеме појаснување за статусот на Стерлинг, – велат агентите на фудбалерот.

Your first Chelsea XI for 24/25. 💙#CFC | #CHEMCI pic.twitter.com/4ap2nzIa9W

— Chelsea FC (@ChelseaFC) August 18, 2024