Стелини откри зошто прифатил да го наследи Конте во Тотенхем

Кристијан Стелини изненадувачки остана во Тотенхем по заминувањето на Антонио Конте, а утре ќе го води лондонскиот тим на дуелот со Евертон.

Довчерашниот асистент на Конте ќе ја има улогата на привремен менаџер, а денеска открил дека позицијата ја добил со благослов на својот близок соработник.

– Јас зборував со Антонио, а потоа тој имаше разговори со раководството на клубот.

– Заеднички ја донесоа одлуката и потоа ме прашаа дали ќе ја прифатам одговорноста. Немав проблем да кажам „да“, – изјавил Стелини.

Денеска стана јасно дека и Фабио Паратичи барем привремено нема да ја извршува функцијата спортски директор, но неговиот сонародник не е загрижен.

– Кога клубот влече потези за доброто на екипата, тоа не значи дека сме во криза. Ќе останеме сплотени и размислуваме само за освојување бодови, – истакнал Стелини.