Стартуваше СП: Франција го декласираше Катар, Италија со извонреден кам-бек на мундијалите

Стартот на 29-то Светско ракометно првенство уште во првиот ден ни донесе на програмата еден од главните фаворити за трофејот, а селекцијата на Франција максимално ја оправда ваквата улога и го декласираше Катар на натпреварот кој се одигра во Пореч.

„Триколорите“ наметнаа темпо од самиот старт на мечот и не му дадоа никаква надеж на ривалот да се надева на било каква неизвесност, па уште по 30 минути игра беше јасно каде ќе заминат бодовите.

Французите имаа предност од 18:10 по 30 минути игра, но во ист ритам продолжија и во вторите 30 минути во кои само продолжија да ја зголемуваат предноста.

Еден од главните фаворити за највисок пласман на крајот славеше со 37:19 и уште на самиот старт испрати јасна порака до сите свои ривали во групата, во која уште се и репрезентацииите на Австрија и Кувајт.

На вториот натпревар во почетниот термин, Италија имаше брилијантен кам-бек на мундијалите по пауза од речиси две децении, совладувајќи го тимот на Тунис со 32:25.