Станчиу: Ристовски ни се извини за лошиот терен, не заслуживме повеќе од бод

Романија беше во подредена улога во најголемиот дел на средбата против Македонија во Скопје, но гостите се одбранија и освоија бод кој може многу да значи во битката за втората позиција на табелата.

Со овој резултат Романија воедно е и подобра од Македонија во меѓусебниот дуел, па затоа тие се задоволно што останаа непоразени на „Тодор Проески“ во ситуација во кои им недостасуваа неколку играчи.

-Не заслуживме повеќе од бод. Со оглед на случувањата на теренот овој бод и навистина е добар за нас. Тешко е да се одиграат три меча во шест дена со две патувања. Игравме против квалитетна репрезентација и бевме малку претпазливи. Ќе биде неизвесно за второто место во групата до последното коло, -истакна Николае Станчиу кој воедно откри дека капитенот Стефан Ристовски им се извинил за лошиот терен во Скопје.

-Капитенот на Македонија ни се извини пред натпреварот. Теренот во Скопје беше незгоден за игра, тревникот беше чуден. Не знам како Македонците играта на тој терен, -дополни членот на Славија Прага.