Српски репрезентативец обелодени како Теодосиќ го праќал Јокиќ по набавки од Мекдоналдс: Го малтретиравме…. (Видео)

Никола Јокиќ игра нова брилијантна сезона во НБА лигата и сериозно е во игра по трет пат во низа да добие МВП признание во најсилната кошаркарска лига во светот, успеси кои само доволно говорат во каков кошаркарски великан се разви момчето кое пред неколку години настапуваше за Мега Визура.

Јокиќ веќе подолго време е клучен играч на Денвер и двапати во низа беше избран за најдобар играч во НБА лигата, но она што најмногу ги воодушевува соиграчите е неговата скромност.

За тоа говори и поранешниот српски репрезентативец, Стефан Јовиќ, кој открива дека „елегантниот џин“ мирно и културно одговарал на сите работи кои му ги подготвиле постарите колеги во репрезентацијата на Олимписките игри во Рио (2016-та година).

– Тоа беа Олимписки игри на кои го малтретиравме Јока. Тоа беше нависитна многу, но Јока е Јока. Него ништо не му е тешко да направи. Секогаш доаѓа така спонатно, знаете како оди со главата, како Балу…..

– Кога ќе дојдеше, Теодосиќ го праќаше во Мекдоналдс. Бевме на петти спрат и гледавме се од доле, имаше ред за чекање околу два часа. Јокиќ само ќе кажеше „нема проблем“. Ќе запишеше кој што сака, одеше од еден до друг и мајсторот одеше сам доле. Чекаше еден час, а потоа натоварен се враќаше. Секако, некој се симнуваше да му помогне за кесите. Секој втор ден му го правевме тоа, – открива Јовиќ.

View this post on Instagram

A post shared by NBA Magazin (@mamba_magazin)