Балкан

Српски фудбалер за заминувањето на Адеми: Повлечете го дресот со број 5

Објавено

на

21 март, 2023

Од

Dejan

Аријан Адеми е вистински миленик на фановите на Динамо, но и на голем број соиграчи со кои настапуваше за време на долгиот престој во редовите на хрватскиот клуб.

Збогувањето на Адеми со Динамо инцицираше голем број емотивни пораки посветени на македонскиот репрезентативец, а една од најискрените и најсодржајните ја испрати Комнен Андриќ.

Андриќ му беше соиграч на Адеми од 2019 до 2022 година, а српскиот фудбалер побара повлекување на дресот со број 5, истакнувајќи многу комплименти за нашиот фудбалер.

– Повлечете го бројот 5 како почитување. 21 трофеј!!! Размислувам како да почнам.

– Легенда на клубот. Искрен, лут, чесен до срж, непоткуплив, авторитативен, борбен до последен атом, брат, пријател, советник, тоа се само дел од карактеристиките кои се дел од твојот идентитет.

– Играв со многу фудбалери досега, многумина се неверојатни, дел играат во големи клубови, но никогаш во кариерата не сум сретнал некој како тебе.

– Секогаш беше „гладен ѕвер“ на тренинг, на секој натпревар. За тебе не постои пораз, туку школо и лекција, – вели Андриќ во дел од својата порака за Адеми.