Срна за најтешкиот момент во кариерата: Тоа ме повреди повеќе и од смртта на мојот татко

Дарио Срна имаше блескава интеренационална и репрезентативна кариера, која на залезот доби и една „црна дамка“ поради допинг скандалот во кој навлезе Хрватот во 2017-та година.

Кај десниот бек беше пронајдена недозволена сусптанца од страна на допинг контрола по натпревар во Лигата на шампионите, па иако доби 17-месечна забрана за играње фудбал, на крајот истата беше намалена на 11 месеци.

Срна на крајот призна дека несакајќи ја внесол недозволената супстанца во својот организам и јавно се извини, а сега открива дека оваа немила епизода била најтешкото нешто што го доживеал во животот.

– Добра вест беше што сите застанаа на моја страна. Новинарите, поранешни играчи, тренери. Почувствував задоволство и тоа ми беше голем потстрек за големата битка. Ми беше многу тешко во тие моменти кога бев осуден за допинг, страдав повеќе од било кога.

– Едноставно не можете да ја добиете војната, тоа е природен процес и не одлучувате вие за ништо. Тоа ме повреди повеќе и од смртта на мојот татко, бидејќи со допинг скандалот го изневерив и него. Навистина тоа беше тежок удар за мене, не можам да го опишам со зборови. За мене тоа е најтежок пораз во животот, сопругата ме извлече со својата поддршка, – открива Срна.